Утре, 30 декември 2025 година, поради планирани работи на електродистрибутивната мрежа, без електрична енергија ќе останат три села во тетовскиот регион.
Според најавите, прекинот ќе трае од 09:00 до 14:30 часот, а ќе ги опфати селата Слатино, Сараќино и Камењане.
Надлежните информираат дека станува збор за планиран прекин со цел одржување и унапредување на мрежата и апелираат до граѓаните навреме да ги прилагодат своите активности. По завршувањето на работите, снабдувањето со електрична енергија ќе биде нормализирано.
