Сообраќајот на патниот правец Струга – граничниот премин „Ќафасан“ е целосно блокиран по сообраќајна незгода во која цистерна се преврте на коловозот. Инцидентот предизвика целосен прекин на движењето, а возачите се пренасочуваат да користат алтернативни правци.
Екипи од сите надлежни институции се на терен и интензивно работат на расчистување на местото, како и на утврдување на околностите под кои дошло до незгодата. Од Министерството за внатрешни работи најавуваат дека јавноста ќе биде навремено информирана веднаш штом сообраќајот биде нормализиран.
