Во Врапчиште, гостиварско, осумгодишно дете се здобило со повреди откако во неговата рака експлодирала петарда. Повреденото дете било донесено во Ургентниот центар во Гостивар, а по укажаната прва помош, поради сериозноста на повредите, било пренесено во Комплекс клиники „Мајка Тереза“ во Скопје.
Според МВР, случајот бил пријавен на 29 декември во 15:10 часот. Полициските службеници излегле на местото и констатирале дека станува збор за малолетник од село Врапчиште. Во моментов се преземаат мерки за расчистување на случајот.
