Министерот за здравство, Азир Алиу, денеска предупреди дека врвот на сезоната на грип се очекува во наредните две до три недели. Иако бројот на заболени во моментов не е алармантен во споредба со претходните години, се очекува зголемен притисок врз здравствените установи во наредниот период.
Алиу ја истакна вакцинацијата како клучен начин за заштита. „Задоволство ми е да информирам дека оваа година првпат 77.000 граѓани веќе се вакцинираа против грип. Тоа е најдобриот пристап за да се креираат услови за телото да биде заштитено“, нагласи министерот.
Министерството за здравство апелира до граѓаните да ја искористат можноста за вакцинација и да ги применуваат основните мерки за заштита, како редовно миење раце и избегнување големи групи, особено за ранливите категории граѓани.
