Силен дожд и бурни ветрови денеска го зафатија Дубровник, предизвикувајќи сериозни проблеми по морето и крајбрежјето. Најтешко погодено е пристанишниот дел, каде глисер со должина од околу осум метри потонал, а високото ниво на водата и силните бранови им се заканувале и на други пловила.
Според локалните служби, невремето предизвикало поместување и удирање на чамци и јахти, при што дел од нив се оштетени, а некои биле оттурнати од врзувачките позиции.
Силниот ветер дополнително ја отежнал состојбата, а интервенциите на службите се одвивале во отежнати услови.
Надлежните апелираат сопствениците на пловни објекти да бидат внимателни и навремено да ги обезбедат своите бродови, додека граѓаните и туристите се повикуваат да избегнуваат движење покрај крајбрежјето за време на вакви временски услови.
Според прогнозите, времето постепено треба да се стабилизира, но можно е морето и натаму да биде немирно во текот на денот. Локалните власти ја следат состојбата и најавуваат дополнителни мерки доколку е потребно.
