СВР Охрид поднесе кривична пријава до Основното јавно обвинителство против двајца охриѓани, на 61 и 62 години, поради сомнение за сторено кривично дело „бесправно градење“ и „симнување или оштетување на службен печат или знак“.
Инспекторите од Одделението за инспекциски надзор на Општина Охрид на 12 март 2021 година извршиле увид на парцела во Велестово, каде констатирале дека лицата градат станбен објект од втора категорија без правосилно Одобрение за градба.
На 19 март 2021 година на градилиштето била поставена службена лента и табела со податоци за бесправната градба. При повторен контролен надзор на 30 март, било утврдено дека градежните активности биле запрени, но службената лента и табелата биле незаконски отстранети.
