Илон Маск, сопственик на социјалната платформа X (поранешно Twitter), објави дека во рок од една недела ќе го објави новиот алгоритам на платформата, вклучувајќи го и изворниот код што ја одредува редоследноста на органските и платените објави за корисниците.
Маск на својата платформа напиша дека алгоритамот ќе биде објавен како open source (отворен код) и дека тоа ќе се повторува секои четири недели, со детални developer белешки што треба да помогнат на јавноста и програмерите да разберат кои промени се прават.
Овој чекор доаѓа во време кога регулаторните тела во Европа ја засилуваат контролата над X поради прашања поврзани со транспарентноста, модерирањето на содржини и влијанието на алгоритмите врз информацискиот простор.
Маск во минатото веќе најавил слични објави на алгоритмите и делумно откривање на кодови, но овојпат најавата вклучува целосно јавно објавување на кодот што ја управува препораката на објави и реклами, што би можело да донесе повеќе транспарентност и увид за корисниците и истражувачите.
Според дел од критичарите, оваа одлука може да се гледа и како одговор на зголемениот притисок на регулаторите и јавноста, со оглед на претходните контроверзии околу работењето на платформата.
