Лина Ѓорческа стартува со силен удар: Победа над фаворитката во квалификациите за Австралија Опен

Лина Ѓорческа започна со моќен настап на квалификациите за Австралија Опен, првиот гренд слем турнир во сезоната, оставајќи силен впечаток со убедлива победа. Македонската тенисерка, најдобрата во земјава, во првото коло го совлада австриското изненадување Сиња Краус, која пред мечот беше рангирана 100 позиции повисоко од неа.

Мечот траеше само 62 минути, а Ѓорческа го освои со 2:0 во сетови (7:5, 6:0). Првиот сет беше вистинска борба – рамноправна игра до 5:5, пред Лина во 12-от гем да направи клучен брејк и да го запечати сетот. Вториот сет, пак, беше доминација од почеток до крај, со што Ѓорческа буквално ја „исчисти“ противничката од теренот.

Во второто коло, македонската тенисерка ќе се соочи со Тамара Зиданшек од Словенија, моментално 151. на ВТА листата, во нов предизвик кој ја очекува на патот кон главниот турнир во Мелбурн.