Пожар изби во напуштена куќа на подрачјето на општина Центар во Скопје, при што интервенирале противпожарните служби за да го локализираат огнот.
Од СВР Скопје информираат дека на 11 јануари 2026 година во 06:47 часот било пријавено дека гори објект во сопственост на С.В.Ѓ. (55) од Скопје. На местото веднаш пристигнала екипа на Бригадата за противпожарна заштита Скопје, која го изгаснала пожарот.
Во инцидентот нема повредени лица. Полицијата извршила увид, а се утврдуваат причините за настанувањето на пожарот и висината на евентуалната материјална штета.
