Пежо излетало од патот – повреден 19-годишник

Утринава, патничко возило „Пежо“ излетало од регионалниот пат Кавадарци – Неготино, а младиот возач се здобил со телесни повреди, потврдија од СВР Велес.

Според пријавата во ОВР Неготино, несреќата се случила околу 09:00 часот кај место викано „Антена“. Возилото со кавадаречки регистарски ознаки било управувано од Н.Т. (19) од Кавадарци. Младиот возач бил пренесен и констатиран во Општа болница Кавадарци.

На местото на настанот увид извршила екипа од ОВР Неготино.