Утрово возачите треба да бидат внимателни, бидејќи условите на патиштата се типично зимски, иако коловозите претежно се суви. Според последниот извештај на ЈП „Македонија Пат“ во 9 часот, на патниот правец Скопје – Тетово видливоста е значително намалена поради појава на магла, која во некои делови изнесува само 100 до 150 метри.
И покрај ова, сите државни патишта се проодни. Сепак, на одредени делови кои минуваат низ клисури и помали усци, можни се поситни одрони, па ЈП „Македонија Пат“ апелира на внимателно возење, строго почитување на сообраќајната сигнализација и прилагодување на брзината според условите на патот.
