Исчезнат индонезиски авион со 11 лица

Индонезиски авион од типот ATR 42-500 со 11 лица исчезна во близина на градот Макасар, а неофицијални информации упатуваат дека можни остатоци се забележани на планинска падина во регионот. Според локалните медиуми, леталото му припаѓало на индонезиското Министерство за поморски работи и рибарство и превезувало осум членови на екипажот и тројца патници.

Контактот со авионот бил изгубен околу 13:17 часот по локално време, додека се приближувал кон аеродромот во Макасар. Службата за следење летови Flightradar24 соопшти дека леталото исчезнало од радарот при лет на ниска надморска височина над океанот, што ја ограничило радарската покриеност. Последниот сигнал бил регистриран во 04:20 часот по UTC, на околу 20 километри североисточно од аеродромот Макасар.

Според информации што кружат на социјалните мрежи, на планински терен во близина на врвот на планината Булу Сараунг биле забележани остатоци што гореле, но индонезиските власти сè уште официјално не ја потврдиле авионската несреќа.

Анди Султан, раководител на операциите на индонезиската агенција за пребарување и спасување во Макасар, изјави дека спасувачките екипи се испратени на терен и дека потрагата е во тек.