По серијата контроверзни изјави на американскиот претседател Доналд Трамп, кој повторно го најави својот интерес САД да го анектираат Гренланд, Франција реши да испрати јасна порака. Елисејската палата соопшти дека Париз е подготвен да учествува во планираната НАТО-вежба на арктичкиот остров, за да ја потврди својата безбедносна присутност во регионот.
Гренланд, кој е автономна територија под Данска, стана неочекувано жариште на геополитичко внимание откако Трамп, уште од почетокот на својот втор мандат, континуирано го повторуваше својот план за анексија, оправдувајќи го тоа со „безбедносни причини“. Франција, со својата одлука, очигледно сака да ја истакне својата улога во арктичката безбедност и да покаже дека не се согласува со едностраниот американски експанзионизам.
