Густ црн чад се крена денеска над центарот на Скопје, предизвикувајќи паника кај граѓаните, откако избувна пожар во импровизирана автомеханичарска работилница во непосредна близина на Тутунскиот комбинат.
Благодарение на брзата и координирана интервенција на скопските пожарникари, огнот беше локализиран пред да се прошири на соседните објекти. На терен излегоа три противпожарни возила и тим од 10 пожарникари, кои успеаја да го совладаат пожарот за кратко време.
Иако густото чад се гледаше од речиси сите делови на градот, инцидентот заврши само со материјална штета. Нема повредени лица, а пожарникарите останаа на терен до целосно расчистување на местото на настанот.
