Неколку арапски медиуми и онлајн извори објавија дека Кина наводно започнала брз воздушен транспорт на воена опрема кон Иран, во услови на зголемени тензии на Блискиот Исток, поврзани со конфликтите во регионот и улогата на Израел.
Според овие извештаи, во изминатите 56 часа наводно биле реализирани околу 16 летови на кинески товарни авиони, кои слетале во Техеран. Се тврди дека испораките вклучуваат воена опрема и напредни системи за противвоздушна одбрана, а воздушниот транспорт, според истите извори, сè уште е во тек.
Засега нема официјална потврда ниту од Пекинг, ниту од Техеран за ваквите наводи.
Аналитичарите предупредуваат дека, доколку информациите се покажат како точни, ваквиот потег би можел да значи значајна ескалација на регионалните тензии, особено во контекст на актуелните безбедносни случувања на Блискиот Исток.
Воените и дипломатските кругови внимателно ја следат ситуацијата, додека меѓународната јавност очекува официјални реакции од засегнатите страни. Во моментов, информациите остануваат во рамки на медиумски извештаи кои не се независно потврдени.
ВИДЕОТО МОЖЕ ДА ГО ПОГЛЕДНЕТЕ ТУКА
