Проектот „Сејф сити“, кој треба да почне да се применува во најскоро време, веќе се соочува со правни предизвици. Законот за прекршоци, основата на овој систем за надзор и казнување преку пораки, заврши пред Уставниот суд по иницијатива на Алијансата за Албанците на Зијадин Села.
Села остро ја критикува селективната природа на законот, посочувајќи дека тој важи само за Скопје, Куманово и Тетово, што, според него, е директно противуставно. Дополнително, според политичарот, законот го крши и правото на двојазичност, бидејќи пораките за прекршоци се испраќаат исклучиво на еден јазик, а не на двата официјални јазици во земјата.
