Иран е подготвен за дијалог доколку тој се темели на меѓусебно почитување и заштита на заедничките интереси, но ќе одговори решително во случај да биде нападнат, соопшти мисијата на Исламската Република.
Во објава на социјалната мрежа „Х“, иранската мисија истакна дека земјата претпочита дипломатски пристап, но дека нема да се двоуми да се брани доколку биде принудена на тоа.
„Иран е подготвен за дијалог заснован на меѓусебно почитување и интереси, но доколку биде принуден, ќе се одбрани и ќе одговори како никогаш досега“, се наведува во пораката.
Соопштението доаѓа во период на зголемени тензии во регионот и засилени меѓународни повици за смирување на состојбите преку дипломатски канали.
