Македонската алијанса за европска интеграција (МАЕИ) поднесе тужба до Управниот суд во Тирана против Владата на Албанија поради одлуката за отворање три центри за мигранти на територијата на општина Пустец, каде живее македонско национално малцинство.
Според МАЕИ, одлуката е донесена без консултација со локалната самоуправа, без јавна расправа и без почитување на правата на локалното население. Партијата оценува дека отворањето на овие центри го загрозува интересот, безбедноста и демографската стабилност на македонската заедница во општината и дека е спротивна на Уставот, законите и меѓународните обврски на Албанија за заштита на националните малцинства.
„Ќе продолжиме со правна и институционална борба сè додека не се заштитат правата и достоинството на македонската заедница“, изјави Васил Стерјовски од МАЕИ.
