Вчера полицијата во два различни градови регистрира сериозни прекршоци во сообраќајот, по што двајца возачи се приведени.
Во Струга, околу 15:12 часот, полициски службеници од ОВР Струга го сопреле патничкото возило „Алфа Ромео“ со струшки регистарски ознаки, управувано од 42-годишниот Е.А. од село Шум. При контролата било утврдено дека тој немал положено возачки испит. Возилото му било одземено, а за случајот е известен јавен обвинител.
Истиот ден, нешто порано, во Кичево, полицијата го лишила од слобода 40-годишниот А.Е. од село Србица. При контрола со радар, тој бил фатен како вози „Мерцедес“ со брзина од 64 км/ч на пат каде ограничувањето е 50 км/ч. Дополнително, било утврдено дека лицето има изречена забрана за управување со моторно возило од Б категорија. Тој е задржан во полициска станица, а јавниот обвинител е информиран за настанот.
По завршување на целосната документација, против двата лица ќе бидат поднесени кривични пријави по член 297-а и член 300 од Кривичниот законик.
