Во необичен, но инспиративен потег, кралицата Максима на Холандија, сопруга на кралот Вилем-Александар, оваа недела започна обука за резервисти во холандските вооружени сили. Родена во Аргентина, таа реши лично да придонесе за безбедноста на својата земја, во време кога геополитичките тензии и војната во Украина го зголемуваат стравот од нестабилност во Европа.
„Безбедноста на Холандија повеќе не може да се зема здраво за готово“, соопшти Кралската куќа Оринџ, додавајќи дека Максима сака да биде дел од напорите за зајакнување на земјата. Министерството за одбрана истакна дека одлуката е личен избор на кралицата, но го поздрави како пример кој би можел да инспирира и други граѓани да се вклучат.
Обуката на кралицата ќе опфати и теоретски и практични воени аспекти – од физичка издржливост и самоодбрана, до стрелаштво, читање мапи и познавање на воено право. По завршувањето на програмата, Максима ќе го добие чинот потполковник и ќе биде распореда каде што е најпотребно.
Овој потег ја следи траекторијата на нејзината ќерка, крунската принцеза Амалија, која заврши основна воена обука како волонтерска резервистка минатиот месец. Воената служба се враќа во традицијата на европските кралски семејства, но едвај во последните години жените почнуваат активно да учествуваат.
Сличен пример имаше и во Белгија, каде наследничката на престолот, принцезата Елизабет, пред пет години се запиша на едногодишна обука во воената академија во Брисел како дел од подготовките за идните кралски должности.
