Москва се спротивстави на одлуката на Обединетите нации да ја изберат поранешната германска министерка за надворешни работи, Анален Бербок, за претседател на Генералното собрание на ОН во 2025 година. Портпаролката на руското Министерство за надворешни работи, Марија Захарова, оцени дека овој избор носи „симболична и политичка порака“ и го опиша како обид за бришење на историското сеќавање за Втората светска војна.
„Ова не е случајност. Изборот на внуката на нацистички офицер од Вермахтот за претседател на Генералното собрание е намерен чин со цел да се заборави минатото и страдањата на советскиот народ“, изјави Захарова. Таа потсети на 27 милиони загинати, разурнати градови, опустошени Ленинград и Киев со Бабин Јар, Сталинград и стотици концентрациони логори, нагласувајќи дека сè тоа не може да се третира како „само минато“.
Захарова тврди дека овој избор е дел од поширока „кампања за ревизија на историјата“ која, според неа, се стреми да го релативизира придонесот на Советскиот Сојуз во поразот на нацизмот и да го намали значењето на победата во Големата татковинска војна. „Фактите за огромните жртви и херојството на советскиот народ се пред очите на светот, но некој сака да ги замагли и да ги пренапише во согласност со модерните политички интереси“, рече таа.
Од Кремљ велат дека ваквите потези не само што ја менуваат колективната меморија, туку и го нарушуваат основното историско чувство кое лежи во темелите на современиот систем на меѓународни организации, вклучувајќи ја и Обединетите нации.
