Рано утрово, околу 06:30 часот, на магистралниот пат Подмоље-Струга се случи фатална сообраќајна несреќа. Товарно возило „Ман“, управувано од 52-годишниот А.А. од Република Албанија, удри во пешакот У.Д., долгогодишен жител на струшкото село Ливада.
Несреќниот човек по ударот веднаш починал на лице место. Лекар од Итна медицинска помош Струга само констатирал смрт, додека увид на местото на настанот извршила екипа на ОВР Струга.
Од СВР Охрид е потврдено дека се преземаат сите потребни мерки за целосно расчистување на случајот.
