Во Тетово, во просториите на Музејот на тетовскиот крај, беше промовирано изданието „Писма од Љубомир Милетич до Афанасиј М. Селишчев – историја на една мистификација“, во издание на Државен архив на Република Северна Македонија.
Автори на делото се доц. д-р Бранислав Светозаревиќ и Драган Јаќоски, а изданието претставува значаен придонес кон научните истражувања базирани врз автентичен архивски материјал.
Промоцијата ја отвори директорот на Државниот архив, Димитар Богески, кој ја нагласи важноста на архивската граѓа како основа за откривање нови факти за историјата на Македонија и македонскиот народ.
На настанот беше посочено дека публикацијата открива богат архивски фонд кој ќе биде од значење за понатамошни истражувања, особено во областа на лингвистиката и литературната историја.
Од Државниот архив истакнаа дека институцијата останува посветена на научната вистина и на афирмацијата на архивското наследство како темел на историската наука.
