Францускиот претседател Емануел Макрон изјави дека внимателно ќе се анализираат последиците од најавата на Доналд Трамп за воведување царини од 15 проценти, при што Европа ќе се прилагоди на новонастанатата ситуација.
„Внимателно ќе ги проучиме точните последици, што може да се направи и ќе се прилагодиме“, истакна Макрон, нагласувајќи дека европските земји ќе бараат избалансиран пристап во трговските односи.
Тој подвлече дека фер трговијата мора да се заснова на реципроцитет, а не на еднострани одлуки. „Најфер можните правила подразбираат взаемност, а не толеранција на еднострани мерки“, рече францускиот лидер.
Макрон додаде дека доколку ваквите мерки придонесат за намалување на тензиите, тие може да се разгледаат, но нагласи дека приоритет останува стабилноста на глобалната економија и продолжување на нејзината модернизација.
„Треба да се стремиме кон пристап што ги намалува меѓународните тензии и истовремено ја унапредува нашата економија“, заклучи тој.
