По студеното утро со температури под нулата, денот носи променливо расположение на небото, сонцето ќе се пробива низ облаците, но не целосно. Кон крајот на денот и во текот на ноќта се очекуваат услови за појава на краткотраен, локален дожд.
Утринските часови ќе поминат во мирна атмосфера, додека попладне времето ќе стане поветровито. Во западните краишта ќе дува слаб до умерен западен ветер, а во источните региони и долж Повардарието ќе засилува северозападен ветер, кој на моменти ќе биде поинтензивен.
Температурите ќе се движат од минус три до три степени во најстудениот дел од денот, додека дневниот максимум ќе достигне меѓу 11 и 17 степени.
Во главниот град, Скопје, ќе преовладува сончево време со умерена облачност. Ќе дува слаб до умерен ветер од северен правец. Утринската температура ќе се спушти до минус еден степен, а максималната дневна ќе достигне околу 14 степени.
Во продолжение следува стабилизација на времето. Под влијание на висок воздушен притисок, нè очекува претежно сув и мирен период. До петок ќе се задржи умерен, повремено засилен северозападен ветер, особено изразен долж Повардарието. Од петок насаму, ветерот ќе го смени правецот во југоисточен, а за време на викендот се најавува постепено зголемување на облачноста.
