Се отвора осминафиналната фаза од Лигата на шампионите, а вечерва на програмата се две возбудливи шпанско-англиски дуели кои ветуваат голема драма на теренот.
Првиот натпревар ќе го отвори Галатасарај, кој од 18:45 часот ќе го пречека Ливерпул. Турскиот шампион минатата сезона им се реваншираше на „црвените“ со победа од 1:0 на гости, а тренерот на Ливерпул, Арне Слот, ја потенцираше опасноста од брзата транзиција и квалитетните напаѓачи на домаќините. „Галатасарај игра со голема агресивност, дури и кога имаат десет играчи на теренот. Осимен и Јилмаз се брзи и опасни, мораме да бидеме внимателни и добро организирани“, изјави Слот.
Вечерта ќе биде дополнително зачинета со дуелот Атлетико Мадрид – Тотенхем. За „петлите“ ова ќе биде патување низ болните сеќавања – токму на стадионот на Атлетико, во финалето од Лигата на шампионите 2019 година, Тотенхем претрпе пораз од Ливерпул со 0:2.
Новиот тренер Игор Тудор призна дека пред тимот е тежок период: „Некои стари навики се тешки за менување, но квалитетот на играчите расте со секоја тренинг сесија. Сега е време да се покаже напредок.“ Тотенхем истовремено се бори за опстанок во Премиер лигата, а новиот стратег забележа три порази на стартот од својот мандат.
Њукасл ќе има тешка задача да ја пречека Барселона. Двата тима веќе се сретнаа во групната фаза, а Каталонците победија во септември. Менaџерот на „страките“, Еди Хау, го нагласи значењето на психологијата и искористувањето на шансите: „Ова е најголемиот натпревар во нашата понова историја. Улогата на аутсајдер може да ни помогне, но мораме да бидеме ефективни кога се создаваат шанси за гол.“
Следниот ден, среда, Баер Леверкузен ќе гостува на теренот на Арсенал од 18:45, додека Бодо-Глимт ќе се соочи со Спортинг, Реал Мадрид ќе го пречека Манчестер Сити, а ПСЖ ќе биде домаќин на Челзи од 21 часот.
