Автомобил што го користел градоначалникот на Општина Шуто Оризари, Курто Дудуш, бил запален ноќеска, потврдуваат од Министерството за внатрешни работи за ПлусИнфо.
Според полицијата, случајот бил пријавен на 17 март 2026 година околу 03:50 часот во СВР Скопје, кога било констатирано дека е опожарено патничко возило „ренџ ровер“ со скопски регистарски ознаки, сопственост на Ф.О.(37) од Скопје, сопруга на градоначалникот.
Како што информираат надлежните, според снимките од безбедносни камери, непознато маскирано лице истурило запалива течност врз возилото, по што настанал пожар.
Во инцидентот нема повредени лица, а огнот бил изгаснат од екипа на Бригадата за противпожарна заштита Скопје.
Од полицијата велат дека се преземаат мерки за целосно расчистување на случајот и пронаоѓање на сторителот.
…
