Општина Јегуновце денес поднесе апликации за неколку значајни проекти преку Бирото за регионален развој, со цел обезбедување финансиски средства за нивна реализација. Меѓу проектите се реконструкција на локална улица во населено место Јанчиште, изградба на колектор за фекална канализација во Орашје и адаптација и надградба на основното училиште „Александар Здравковски“ во Јегуновце.
Дополнително, проектот за локален пат во населено место Вратница ќе биде аплициран до Министерството за локална самоуправа.
Градоначалникот Димитар Костадиноски истакна дека општината продолжува посветено да работи на подобрување на инфраструктурата и условите за живот во сите населени места.
Продолжуваме да инвестираме во развој и современи услови за граѓаните, рече Костадиноски.
…
