Општинските власти упатија апел до граѓаните на Тетово да помогнат во подобрување на јавното осветлување преку навремено пријавување на дефекти.
Доколку граѓаните забележат населби или улици каде што не функционира јавното осветлување, се повикуваат тоа да го пријават преку апликацијата „TE KLIK“, во делот I-REPORT.
Апликацијата е достапна за користење на iOS и Android уредите, што овозможува брза и едноставна комуникација со надлежните служби.
Од Општината посочуваат дека ваквите пријави се од големо значење за навремено детектирање и решавање на проблемите на терен, со цел подобрување на безбедноста и квалитетот на живот на граѓаните.
Надлежните апелираат на соработка од сите жители, нагласувајќи дека секоја пријава придонесува за поефикасно функционирање на јавните услуги.
…
