Се урна дел од улицата „Малуш Косова“ во Приштина, предизвикувајќи хаос во сообраќајот и сериозни пречки за движењето на жителите во овој дел од градот. На објавените снимки од местото јасно се гледаат големи оштетувања на инфраструктурата, додека причините за инцидентот сè уште се непознати.
Регионалната компанија за водоснабдување „Приштина“ соопшти дека поради лизгање на земјиштето е нарушена и водоводната мрежа. Како резултат на тоа, снабдувањето со вода е прекинато во повеќе улици, вклучувајќи ги „Мехмет Шпенди“, „Бислим Ислами“, „Дон Стефан Курти“, „Кири“, „Агим Продани“, „Имер Битиќи“ и „Висар Тачи“. Водата ќе биде повторно достапна откако дефектот ќе биде целосно саниран.
