Одлични вести за студентите во Македонија: Секој студент до 29 години ќе добие ваучер од 250 евра

Нова мерка за студентите: ВМРО-ДПМНЕ доделува ваучери од 250 евра за ИТ-опрема

Владата предводена од ВМРО-ДПМНЕ ја најави новата иницијатива насочена кон младите, со која сите студенти до 29 години ќе добијат ваучер во вредност од 250 евра (15.300 денари) за набавка на компјутерска опрема – персонален компјутер, лаптоп или таблет.

Според официјалното соопштение, правото на ваучер го стекнуваат сите редовни и вонредни студенти на додипломски студии, без разлика дали се запишани на државен или приватен факултет во Македонија, сè додека не го имаат наполнето 29-от роденден.

Како што појаснуваат од партијата, мерката има за цел да обезбеди еднаков пристап до современо образование за сите млади, независно од нивниот социјален статус. Дополнително, оваа иницијатива треба да придонесе за намалување на дигиталната нееднаквост и да ги поттикне младите да го продолжат своето образование во земјата.

„За разлика од претходните влади кои останаа на декларативни ветувања, ние нудиме конкретни решенија и реална поддршка“, се наведува во соопштението на ВМРО-ДПМНЕ.

Мерката е дел од поширока стратегија за поддршка на младите и создавање услови за нивен останок и напредок во Македонија.