Конечно откриено: Русите имаат ново чудовиште [ФОТО]

Рускиот државен технички универзитет „Јуриј Гагарин“ ги изработи нацртите за нов руски тенк кој ќе биде вооружен со топ од хаубица калибар 152 мм, објавија западни медиуми.

Според нацртите, овој проект предвидува интеграција на краткоцевен топ од 152 мм, далечински управувана вооружена станица со автоматски топ од 30 мм, ракетни фрлачи, активен ласерски систем за противмерки и беспилотни извидувачки летала.

Целта на овој дизајн е зголемување на борбената ефикасност на руските тенкови во урбани, планински и високо ризични средини, преку прилагодување на постоечките платформи на тенковите Т-72, Т-80, Т-90 и Т-14 во мултифункционални возила за извидување, огнена поддршка и одбрана од дронови.

Овој јуришен тенк комбинира далечински управувана вооружена станица, активни и пасивни системи за заштита и ласерски систем за неутрализирање закани од беспилотни летала, муниција за напад од горе и напади од повеќе правци.

Исто така, новото „руско чудовиште“, како што го нарекуваат некои медиуми, ќе има можност да испукува наведувана муниција, вклучувајќи самонаведувачки проектили лансирани преку главниот топ или од надворешни контејнери.

Од аспект на руската војска, овој тенк изгледа футуристички, а интеграцијата на современи технологии значително ја зголемува неговата цена, пренесува порталот Klix.ba.

За споредба, развојот на главниот борбен тенк Т-14 „Армата“ беше прекинат поради високите трошоци, останувајќи како експериментален проект.

A Russian patent filed by a team of engineers affiliated with the Yuri Gagarin State Technical University in Saratov.

The patent outlines the integration of a short-barreled 152 mm low-ballistic gun on existing T-72, T-80, T-90, and T-14 platforms. 1/
🙄https://t.co/YiPdd9s42C pic.twitter.com/cM0rlHdAYq

— Geopolitics of Romania (@GeopolRomania) July 16, 2025