Црна Хроника

Четири години затвор побара Обвинителството за мотоциклистот кој го усмрти Југослав Николовски

Основното јавно обвинителство Скопје поднесе обвинение против мотоциклист кој на 1 јули годинава усмрти пешак на улицата „Јордан Хаџи Константинов – Џинот“. Обвинителството бара најмалку четиригодишна затворска казна за тешки дела против безбедноста во сообраќајот и за неукажување помош на повредено лице.

Според обвинението, осомничениот управувал мотор „Кавасаки“ по пешачка патека – каде е строго забрането возење моторни возила – и тоа без возачка дозвола. Иако се движел со 35 km/h, брзината била опасна за условите на патеката. Неспособен да запре навреме, удрил во 67-годишниот Југослав Николовски и сопатникот на моторот. Пешакот подоцна починал во Ургентниот центар, додека сопатникот се здобил со полесни повреди.

Наместо да помогне, обвинетиот го напуштил местото на несреќата. Обвинителството бара и продолжување на притворот за него.

Црна Хроника

Пијан мопедист заврши во болница по излетување од пат кај Дојран

Ноќта на регионалниот пат Стар Дојран – Нов Дојран, на потегот „Калдрма“, 22-годишниот Д.Б. од Нов Дојран изгубил контрола врз мопед „Хамачи“ и излетал од коловозот. Во незгодата се здобил со телесни повреди, по што бил пренесен во Општата болница во Гевгелија.

Полициската контрола покажала дека возачот бил под дејство на алкохол – измерени 1,60 промили. За настанот е известен јавен обвинител од ОЈО Гевгелија, а по целосно документирање ќе следи пријава за „безобѕирно управување со моторно возило“ по член 297-а од Кривичниот законик.

Црна Хроника

Опожарен автомобил на паркинг во Скопје

С.Ф. (62) од Скопје пријавил в полиција ноќеска дека на паркинг простор на подрачјето на Бит Пазар било опожарено неговото патничко возило „тојота рав 4“ со скопски регистарски ознаки.

Повредени лица нема, а од екипа на Бригадата за противпожарна заштита Скопје пожарот бил изгаснат.

Извршен бил увид и се преземаат мерки за расчистување на случајот.

Црна Хроника

Разбиена кражба во тетовско – Полицијата со брза интервенција

На 10.12.2025 во 13:00 часот во село Жеровјане, тетовско, полициски службеници од Полициското одделение Жеровјане го лишиле од слобода Б.Е.(30) од с.Жеровјане. Тој се сомничи дека во период од неколку денови извршил кражба во напуштена штала во с.Теново, сопственост на Л.И.(22) од с.Теново, при што одзел повеќе предмети. Тој е задржан во полициска станица и по целосно документирање на случајот, против него ќе биде поднесена соодветна пријава.