Од полноќ нови цени на горивата – поскапување на бензинот, поевтинување на дизелот
Регулаторната комисија за енергетика, водни услуги и управување со комунален отпад соопшти дека од ноќеска на полноќ (5 август 2025 година) стапуваат во сила нови малопродажни цени на нафтените деривати.
Според најновата одлука, цените на бензините се зголемуваат, додека дизелот и екстра лесното масло за домаќинство поевтинуваат.
Ценовни промени:
Малопродажната цена на ЕУРОСУПЕР БС-95 се зголемува за 1 денар и ќе изнесува 75,00 денари за литар.
ЕУРОСУПЕР БС-98 исто така поскапува за 1 денар, новата цена е 77,00 денари за литар.
ЕУРОДИЗЕЛ БС (Д-Е V) поевтинува за 1 денар, со што новата цена ќе биде 69,50 денари за литар.
Иста е промената и за екстра лесното масло за домаќинство (ЕЛ-1) – новата цена ќе биде 69,50 денари за литар.
Мазутот М-1 НС поскапува за 0,533 денари по килограм, новата цена е 39,945 денари/кг.
Новите цени ќе важат од 5 август 2025 година, од 00:01 часот.
