Република

СДСМ сè уште без кандидат за Пробиштип – Анастасов без можност за трет мандат?

Иако до локалните избори остануваат уште само неколку месеци, СДСМ сè уште нема официјално соопштено кандидат за градоначалник на Пробиштип. Актуелниот прв човек на општината, Драган Анастасов – Ладич, според информации од извори блиски до партијата, не сака повторно да влезе во трка, свесен за падот на поддршката и сериозните шанси за пораз.

Сепак, зад сцената, партиските кругови вршат притисок врз Анастасов да ја прифати кандидатурата, со цел да ја пополнат празнината која настанува од отсуството на друг подготвен кандидат. Според истите извори, СДСМ на локално ниво се соочува со сериозна криза на кадар – нема друг кој сака да влезе во битка за функцијата, особено со оглед на анкетната предност и теренските активности што веќе ги има ВМРО-ДПМНЕ.

Од ВМРО-ДПМНЕ пак, кандидатот за градоначалник Тони Тоневски беше официјализиран на 13 јуни. Како позната опција на Пробиштипјани, Тоневски беше градоначалник на Пробиштип од 2009-2017 година. Наспроти сигурниот избор на ДПМНЕ, СДСМ веќе два месеци подоцна сè уште тактизира, оставен без јасна стратегија и со кандидат кој, како што стојат работите, не сака – но можеби ќе мора да се кандидира.

Република

„Шпанец“ се враќа на пругите: Модернизиран и подготвен за патници

Легендарниот воз „Шпанец“, некогаш заборавен и речиси отпишан, се враќа на пругите со целосно нов лик. Денес беше тестирана обновената верзија на возот, кој сега располага со модерен дизајн, телевизори, озвучување, алармни системи и видео надзор.

Одговорните најавуваат дека подготовките за поудобно и побезбедно патување се во полн ек, со цел патниците да уживаат во современо и безбедно патување.

Следуваат уште новости за враќањето на овој легендарен воз – останете со нас за сите детали.

Видеото може да го погледнете тука

Република

После многу години конечно Тетово ќе се украсува

На онлајн седница одржана денеска, 12 декември 2025 година, Советот на Општина Тетово со мнозинство гласови донесе одлука за украсување на градот за претстојните новогодишни празници.

„За оваа програма „за“ гласаше советничкото мнозинство составено од Коалицијата „Вреди“ и ВМРО-ДПМНЕ, додека против беа советниците од коалицијата НАИ. Воздржани беа од Подобро за Тетово, Левица и СДСМ. Со оваа одлука, Општина Тетово ја потврдува намерата градот да добие празничен сјај за крајот на 2025 година“, изјави претседателот на Советот, Јусуф Абдули.

Истовремено, изгласана е измена на Програмата за активности на Општина Тетово во областа на културата за 2025 година. Според новата програма, за празничното украсување се предвидени еден милион и петстотини илјади денари, што е над 24 илјади евра.

Република

Коњановски ги прими просветните работници на годината од Битола

Градоначалникот на Битола, Тони Коњановски, денеска оствари средба со добитничките на признанието „Просветен работник на годината“ за учебната 2024/2025 година – Наташа Тодоровска, наставник по одделенска настава во ОУ „Ѓорѓи Сугарев“, и Аница Б. Златевска, психолог во ОУ „Коле Канински“.

Коњановски им честиташе за значајното признание доделено од Министерството за образование и наука и Сојузот на просветни работници, нагласувајќи дека ваквите награди се симбол на поширока општествена заложба за почит и вреднување на улогата на наставниците, воспитувачите и стручните соработници во образованието.

Тој истакна дека трудот на просветните работници е фундаментален за формирањето на идните генерации и дека локалната самоуправа ќе продолжи да ја поддржува нивната работа.

Признанијата се доделуваат во рамките на кампањата „Магијата е во знаењето“, која Министерството ја реализира по повод 5 Октомври – Светскиот ден на учителите, со цел истакнување на незаменливата улога на учителите и зголемување на општествената почит кон нив.