Македонскиот репрезентативец Елиф Елмас е на чекор да се врати во италијанскиот гигант Наполи. Според информациите на „Фудбал Италија“, клубот презел конкретни чекори за враќање на својот поранешен играч од Лајпциг, со цел да ја засили офанзивната линија за претстојната сезона под водство на Антонио Конте.
Елмас го напушти Наполи во зимскиот преоден рок 2023 година за 25 милиони евра, преселувајќи се во германскиот Бундеслигаш Лајпциг. Сега, повторното враќање во клубот каде што одигра 143 натпревари и остави силен впечаток кај навивачите, изгледа како реална можност во наредните денови, кога би можел да се постигне конечен договор.
