Connect with us

Магазин

Два хороскопски знаци ги очекува банкрот до 29 август: Финансиски потешкотии на хоризонтот

Два хороскопски знака под ризик од финансиски колапс до 29 август: Марс во Вага носи тешки искушенија

Приближувањето на младата Месечина во Девица на 23 август, во комбинација со неповолните планетарни поставености, може да донесе сериозни финансиски предизвици за два знака – Вагата и Шкорпијата. До 29 август токму тие се најизложени на ризик од ненадејни загуби и дури можен банкрот.

Астролозите предупредуваат дека напрегнатите аспекти меѓу Марс и ретроградниот Сатурн создаваат атмосфера на импулсивни одлуки и трошоци. Повеќе знаци ќе бидат во искушение да трошат без контрола, но најголем удар ќе почувствуваат Вагите и Шкорпиите.

ВАГА
Марс во вашиот знак ја зголемува желбата за трошење и купување во големи размери. Она што во моментот изгледа како задоволство, може брзо да се претвори во финансиски товар. Советот е да го планирате буџетот внимателно и да избегнувате ненаметливи и скапи импулсивни купувања.

ШКОРПИЈА
Јупитер во Рак ве наведува да верувате дека е вистински момент за зголемување на приходите или за вложувања во домот, како што е реновирањето. Сепак, ваквите планови сега носат ризик од големи финансиски потешкотии. Бидете претпазливи – секоја непромислена инвестиција може да доведе до сериозен удар по вашиот буџет.

Advertisement

Магазин

Форбс ја објави листата на 100-те најмоќни жени во светот во 2025 година

Американското списание „Форбс“ ја објави годишната листа на 100-те најмоќни жени во светот за 2025 година, на чело со претседателката на Европската комисија, Урсула фон дер Лајен. Таа е првата жена на оваа позиција, одговорна за законодавство кое влијае на повеќе од 450 милиони Европејци.

На второто место се најде претседателката на Европската централна банка, Кристин Лагард, додека премиерката на Јапонија, Санае Такаичи, која е првата жена на таа позиција, е трета. Премиерката на Италија, Џорџа Мелони, е на четвртото место, а мексиканската претседателка Клаудиа Шајнбаум е петта. Меѓу Топ десет најмоќни жени се и извршната директорка на Џенерал Моторс, Марија Бара, и извршната директорка на „Сити“, Џејн Фрејзер.

Во листата се најдоа и значајни лидери од бизнисот и културата, како извршната потпретседателка и финансиска директорка на „Мајкрософт“ Ејми Худ, генералната директорка на ММФ Кристалина Георгиева, претседателката и главна оперативна директорка на „Спејс Екс“ Гвин Шотвел, поп-ѕвездата Тејлор Свифт и индиската министерката за финансии Нирмала Ситараман.

Меѓу 100-те најмоќни жени се и легендарната ТВ водителка Опра Винфри, копретседателката на „Волт Дизни“ Дана Волден, британската министерка за финансии Рејчел Ривс, извршната директорка на кинеската компанија JD.com Сенди Ран Су, претседателката на њујоршката берза Лин Мартин, извршната директорка на „Водафон“ Маргарита Дела Вале и главната директорка за содржини на „Нетфликс“, Бела Бахарија.

Листата вклучува и извршната директорка на „Фокс њуз“, Сузан Скот, финансиската директорка на „Дојче Фокс груп“, Мелани Крајс, старлетата и бизнисменка Ким Кардашијан, премиерката на Конго, Џудит Суминва Тулука, премиерката на Данска Мета Фредериксен и премиерката на Барбадос, Миа Мотли.

На последното место се најдоа хероините од анимираната серија „KPop Demon Hunters“, копродукција на „Нетфликс“ и „Сони Рекордс“, која стана најпопуларен филм на „Нетфликс“ со повеќе од 325 милиони прегледи до декември 2025 година.

Листата на „Форбс“, која се објавува по 22-ри пат, се базира на четири главни критериуми: финансиска моќ, медиумско присуство, влијание и сфера на влијание.

Continue Reading

Магазин

Таткото на Еми Вајнхаус, Мич Вајнхаус, поднел тужба против двете најблиски пријателки на починатата пејачка.

Според новите информации од магазинот People, Мич Вајнхаус тврди дека Катрилона Горлеј и Наоми Пери, која со години беше нејзина стилистка и доверлива личност – тајно продавале парчиња облека што ѝ припаѓале на Ејми, и тоа на аукции во САД.

Првата аукција се одржала во 2021 година, а втора во 2023 и двете во организација на „Julien’s Auctions“. Оделото што Ејми го носеше на сцена, фустани од турнеи, лични модни додатоци… сите овие предмети завршиле под чекан, но наводно под имињата на Пери и Горлеј.

Според тужбата, двете пријателки тврделе дека добиле дел од облеката како подарок од самата Ејми додека била жива. Но таткото Мич не се согласува – тој смета дека тие неправедно профитирале од личните работи на неговата ќерка и бара правдата да излезе на виделина.

Потсетуваме, Ејми Вајнхаус почина трагично во 2011 година, на само 27 години, а нејзиниот стил и музика сè уште се инспирација за милиони фанови.

Останува да видиме како ќе заврши овој судски процес – и дали семејството на Ејми конечно ќе стави точка на уште една контроверзија околу нејзиното наследство.

Continue Reading

Магазин

Ајде сите да гласаме за македонскиот филм „Приказната за Силјан“ кој е во трка за престижна Audience Choice награда

Документарниот филм на Тамара Котевска, „Приказната за Силјан“, се наоѓа во конкуренција за Cinema Eye Honors Audience Choice Prize, едно од највлијателните интернационални признанија за документарно кино. Филмот веќе ја обезбеди номинацијата во првиот круг на гласањето, а вториот круг започна денес, со публиката како клучен фактор за изборот на победникот.

„Приказната за Силјан“ се натпреварува со силни филмови од Бразил, Палестина, Гана, Нов Зеланд, Украина и други земји. Тимот на Котевска апелира до публиката да ја поддржи Македонија и да ги даде своите гласови за овој филм, истакнувајќи дека секој глас може да има значително влијание врз неговата иднина на светската сцена.

Audience Choice Prize го избира документарниот филм кој најмногу ја освојува светската публика и често претставува предвесник за влез во потесниот избор за Оскар. Гласањето се затвора на 16 декември 2025 во 02:00 часот, а резултатите за тоа дали филмот ќе влезе во потесната листа за Оскари ќе бидат објавени истата вечер во 22:00 часот од страна на Американската Академија за подвижни слики, уметност и наука.

За да се поддржи македонскиот претставник, гласовите можат да се дадат преку следниот линк: Cinema Eye Honors Audience Choice Voting.

Continue Reading
Advertisement

Advertisement

Advertisement
Advertisement

Advertisement

Advertisement

Advertisement

Advertisement

Advertisement

Advertisement

Трендинг