Скопје

ВЛЕН открива како семејствата на функционери од ДУИ профитираат

Реакција на движењето ВЛЕН:

Партијата прогласена за „Non Grata“ од меѓународниот фактор реагирала на вработувањата на Албанците во институциите на државата. Со клевети се обидуваат да ги прикријат своите неуспеси за време на периодот кога беа на власт повеќе од две децении.

Јавноста добро знае дека тие 20 години се грижеле само за удобноста на своите семејства, и тоа на работни места каде што месечната плата е повеќекратно повисока од просечната во РСМ.

Наместо да дадат отчет зошто Албанците ги претворија во административци без работа и зошто ги оставија без реална застапеност, функционерите на ДУИ избираат да клеветат.

Тие што излегуваат на прес-конференции ги повикуваме да се вратат во канцеларија и да го прашаат својот шеф Бујар Османи, кој е и шеф на штабот, и кандидат за градоначалник, и истовремено потпретседател на партијата, зошто ги лажe!

Нека го прашаат Османи каде е вработена неговата сопруга, која, заради коректност, нема да ја именуваме. Но, пред да го прашаат, ќе им покажеме дека сопругата на Бујар Османи прима месечна плата од над 100 илјади денари, што е еквивалент на платата на четири административци кои ДУИ ги измамила повеќе од 20 години.

Исто така, нека го прашаат каде е вработена неговата сестра и колкава е нејзината месечна плата.

Албанците добро знаат дека во М-НАВ, сестрата на Бујар Османи прима месечна плата од над 3.000 евра, што е еквивалент на шест плати на друг административец.

ВЛЕН нема да продолжи повеќе со споменување имиња, но најавува дека во следните денови ќе ги објави во целост непотизмот и вработувањата на семејствата на ДУИ во последните 20 години, овојпат со имиња и презимиња.

Исто така, за направените клевети ќе се иницира соодветна постапка доколку ДУИ не се извини јавно.

Скопје

Скопската железничка станица се враќа во живот по две децении

Еден од приоритетите на новата влада е вложувањето во инфраструктурата, вклучително и железничкиот сообраќај, како товарен така и патнички. Покрај набавката на нови локомотиви и вагони, значајна инвестиција е обновата на железничката станица во Скопје, која ќе ја врати својата функција од пред 15-20 години, кога објектот се руинираше и стана нефункционален.

Почна чистењето и средувањето на станицата, информираше директорот на Железница Инфраструктура, Синиша Ивановски. „Со цел враќање на автентичниот изглед на станицата, започнавме со отстранување на сите билборди, светлосни реклами и други информативни панели кои години наназад го нарушуваа изгледот на објектот“, напиша Ивановски на својата Фејсбук страница и им се заблагодари на компаниите кои се согласиле да ги тргнат билбордите.

Проектот ќе се реализира во фази и ќе заврши со генерално чистење на надворешниот изглед на станицата и поставување соодветна илуминација.

Скопје

Започна редизајнот на железничката станица во Скопје

Скопје – Почна чистењето и средувањето на железничката станица во Скопје, информираше директорот на Железница Инфраструктура, Синиша Ивановски.

„Со цел враќање на автентичниот изглед на станицата, започнавме со отстранување на сите билборди, светлосни реклами и други информативни панели кои години наназад го нарушуваа изгледот на објектот“, напиша Ивановски на својата Фејсбук страница. Тој им се заблагодари на компаниите кои се согласиле да ги тргнат билбордите.

Проектот ќе се одвива во фази и ќе заврши со генерално чистење на надворешниот изглед на станицата и поставување соодветна илуминација, посочи директорот.

Скопје

Голем дефект на „Крсте Мисирков“ – утре без вода клучни институции и делови од центарот на Скопје

Утре од 7 часот наутро значаен дел од централното градско подрачје ќе остане без вода поради дефект на водоводната линија на булевар „Крсте Мисирков“, соопшти ЈП „Водовод и канализација“ – Скопје.

Прекинот ќе ги опфати објектите на МАНУ, Основен суд 2, Младинскиот културен центар, Универзитетската библиотека „Св. Климент Охридски“, Универзитетот „Св. Кирил и Методиј“, трговскиот центар „Мавровка“, делови од Старата скопска чаршија, Саат-кулата, улицата „Отокар Кершовани“, Адвокатската улица и дел од булевар „Крсте Мисирков“.

Од претпријатието информираат дека екипите ќе работат интензивно на терен и дека водоснабдувањето ќе биде вратено веднаш по отстранување на дефектот.