Благодарение на антибактериските и противвоспалителните својства, црвениот кромид се користи со векови во народната медицина против настинка и кашлица. Еден од најнеобичните домашни трикови е ставањето на исечен кромид покрај креветот за време на ноќта.
Практиката е едноставна: поголем кромид се сече на четвртини и се става на тацна покрај креветот пред спиење. Според верувањата, сулфурните соединенија што кромидот ги испушта ноќе помагаат телото полесно да се справи со симптомите на настинка. Поддржувачите тврдат дека кромидот може да:
ги отвори дишните патишта, го олесни излачувањето на слузта, ја ублажи кашлицата и кивањето, има антибактериски ефект.
Многумина кои го испробале овој трик велат дека се разбудиле со полесно дишење и намалени симптоми. Научно, сепак, не постојат докази кои ја потврдуваат неговата ефикасност. Сепак, кромидот покрај креветот останува популарен затоа што е природен, безбеден и не може да наштети.
Единствената „нуспојава“ е мирисот на кромид во собата наутро, кој лесно се отстранува со проветрување. За љубителите на алтернативната медицина, овој старински трик и понатаму е едноставен начин за олеснување на симптомите на настинка.
