Унгарскиот министер за надворешни работи, Петер Сијарто, остро ја критикува Европската Унија за двојни стандарди во пристапниот процес кон ЕУ. Во интервју за РТС, тој посочи дека земји-членки како Грција и Бугарија со години ги блокирале преговорите за членство на Македонија и Србија, без да се обвинуваат за поткопување на европското единство, додека Унгарија веднаш е критикувана кога го користи своето право на вето.
Сијарто потсети дека Европската комисија одамна предложила отворање на нови поглавја со Србија, но тоа не било усвоено поради несогласувања меѓу одредени членки. Тој ја истакна Грција, која речиси една деценија ги блокирала преговорите на Македонија, и Бугарија, која поставува предуслови во однос на таа земја.
„Никој не ги критикуваше нив, но Унгарија веднаш станува мета на осуди“, рече Сијарто, додавајќи дека причината е политичката независност на унгарската влада. Тој истакна дека Унгарија се спротивставува на војната, миграцијата и родовата пропаганда, и дека секое различно мислење веднаш се третира како злоупотреба на своето право според правилата на Унијата.
Министерот заклучи дека европските институции го нарушуваат принципот на едногласност, кој е основна вредност на ЕУ, и дека секогаш кога Унгарија го користи своето право на вето, станува жртва на политички напади.
