Коалицијата Вреди ќе ги смета локалните избори за победа ако освои барем една општина повеќе од ДУИ, изјави Азир Алиу. Тој посочи дека најжестока битка се очекува во Чаир, каде ќе се соочат Изет Меџити и Бујар Османи, и нагласи дека исходот таму може сериозно да ја одреди иднината на двете партии.
Алиу оцени дека Вреди има шанси за победа уште во првиот круг во општините Чаир, Тетово, Желино, Боговиње, Струга и Дебар, додека втор круг очекува во Врапчиште, Гостивар и Кичево. Тој подвлече дека секој глас е важен на локалните избори.
Во однос на евроинтеграциите, Алиу изрази увереност дека Македонија и Албанија заедно ќе станат членки на Европската Унија до 2030 година, нагласувајќи дека сите политички партии во земјата работат за тој заеднички стратегиски интерес.
