Колку би заработиле ако пред една година инвестивате 10.000 евра во злато

Златото повторно го потврди својот статус како најбезбедна и најпрофитабилна инвестиција. Во текот на изминатата година, цената на жолтиот метал порасна за 43 проценти, што значи дека инвестиција од 10.000 евра пред една година денес вреди повеќе од 14.290 евра – добивка од речиси 4.300 евра без никакво активно управување.

Причините за метеорското зголемување се глобална економска неизвесност, геополитички тензии и зголемена побарувачка на физичко злато, особено во Кина и Индија. Дополнителен стимул беа и набавките на злато од централните банки, кои се обидуваат да ги диверзифицираат своите резерви и да ја намалат зависноста од американскиот долар.

Споредбата со други инвестиции е впечатлива: берзанските индекси, пазарот на недвижности и криптовалутите не ја достигнаа профитабилноста на златото, кое се покажа како сигурно засолниште и најпрофитабилна опција во нестабилните финансиски времиња.