Република

ВИДЕО – Коњановски: Битола ќе добие нова зграда на противпожарната единица — капитален проект вреден милион долари

Територијалната противпожарна единица во Битола, најстарата на Балканот, датира од далечната 1836 година. Како што истакна кандидатот за градоначалник на Општина Битола, Тони Коњановски, овој историски факт му дава дополнителна тежина на проектот за изградба на нов современ објект за битолските пожарникари, кој тој го оцени како „вистински капитален проект“.

„Нашите пожарникари, кои секојдневно се на терен во одбрана на општината од пожари, заслужуваат најдобри услови за работа“, рече Коњановски, нагласувајќи дека новата зграда ќе биде функционална, модерна и енергетски ефикасна.

Во рамки на првата фаза, со средства од буџетот на Општина Битола во вредност од околу 53 милиони денари, веќе е изградена карабината на објектот, на парцела од 3.300 квадратни метри и со корисна површина од 1.600 квадратни метри.

Втората фаза ќе се реализира преку грант од Министерството за одбрана на САД во вредност од еден милион американски долари. Со овие средства ќе се доуреди и комплетно адаптира зградата, ќе се воспостават современи системи, ќе се уредат приодните улици и инфраструктурата околу објектот.

„Ова е проект за иднината на нашата општина и за безбедноста на сите граѓани на Битола“, истакна Коњановски, додавајќи дека на 19 октомври повикува граѓаните да дадат поддршка за континуитетот на започнатите проекти.

ВИДЕОТО може да го погледнете тука

Република

Утре две тетовски села ќе бидат без струја

Поради планирани технички зафати, утре (10 декември 2025) две села во тетовскиот регион ќе останат без електрична енергија во период од 09:00 до 14:00 часот.

Според најавата, прекин ќе има во делови од селото Џрпчиште, особено кај објектите што се наоѓаат во близина на млекарницата „Алпи“.

Исто така, без струја ќе бидат и делови од селото Теарце, поточно подрачјето во близина на полициската станица.

Од надлежните апелираат жителите да ги планираат своите активности согласно најавениот прекин.

Република

Јорданов со апел до граѓаните по вандализмот во центарот на Штип

Градоначалникот на Штип, Иван Јорданов, остро реагираше по серијата инциденти во централното градско подрачје, каде беа исечени новогодишни сијалици, уништени садници и оштетена урбана опрема. Тој оцени дека овие дејствија претставуваат сериозен удар врз заедничкото добро и вложувањата на општината.

„Сведоци сме на слики кои никој од нас не сака да ги види. Ваквите постапки не се само вандализам, туку ја нарушуваат сликата на градот и го поткопуваат трудот на сите кои работат за поуредено урбано окружување,“ истакна Јорданов.

Тој упати апел до СВР Штип да преземе мерки и санкции кон сторителите, потенцирајќи дека ваквото однесување ја загрозува безбедноста и ја понижува заедницата.

Јорданов ги повика и граѓаните на повисока свест и одговорност: „Нашиот град може да биде онаков каков што го посакуваме само ако секој од нас покаже грижа. Само заеднички можеме да го сочуваме јавниот простор и да создадеме средина во која сите се чувствуваме горди да живееме.“

„Нашиот град е наш дом и наша должност е да го чуваме,“ заклучи градоначалникот, охрабрувајќи ги жителите да реагираат доколку забележат уништување и да придонесат за заштита на градот.

Република

ЈП „Паркинзи“ го активира синџирот на пешачката зона во Битола

Битола, 9 декември 2025 – Јавното претпријатие „Паркинзи“ известува дека од утре повторно ќе се постави синџирот на улица „Рузвелтова“.

И покрај тоа што Советот на Општина Битола ја прогласи улицата за пешачка зона, несовесни возачи ја игнорираа сообраќајната сигнализација, што го направи неопходно повторното воведување на мерката за ограничување на сообраќајот.

ЈП „Паркинзи“ апелира до граѓаните да ги почитуваат правилата за да се овозможи безбедно движење на пешаците и одржување на редот на оваа прометна улица.