Македонската фудбалска репрезентација одигра 1:1 против Казахстан на арената „Тодор Проески“ во натпревар исполнет со голема борба, емоции и неизвесност до самиот крај.
По првото полувреме без голови, гостите поведоа во 52. минута преку Караман, кој ја искористи несигурноста во македонската одбрана. Голот ги разбуди избраниците на селекторот Благоја Милевски, кои веднаш го презедоа темпото и создадоа неколку одлични шанси преку Костадинов и Ристовски, но без реализација.
Израмнувањето стигна во 74. минута, кога Енис Барди со мајсторски изведен слободен удар ја погоди мрежата и ја запали арената. Тоа беше негов 20-ти погодок во националниот дрес, уште една потврда на неговата клучна улога во репрезентацијата.
До крајот, Македонија доминираше и притискаше за целосен пресврт, но обидите на Трајковски и Елмас не завршија со погодок. Со овој резултат, Македонија останува во игра за второто место во квалификациската група, но победа над Велс во Кардиф во ноември ќе биде од клучно значење за продолжување на сонот за пласман на Светското првенство.
Барди еврогол pic.twitter.com/mkPxl4AIea
— M-A-C (@marjanmitrovsk3) October 13, 2025
