Ситуацијата излегува од контрола: Пристигна ново предупредување

Ситуацијата излегува од контрола: СЗО упати ново предупредување

Светската здравствена организација (СЗО) предупреди дека ширењето на заразни болести во Појасот Газа „излегува од контрола“, при што само 13 од 36 болници делумно функционираат.

„Без разлика дали станува збор за менингитис, дијареја или респираторни заболувања, работата е огромна“, изјави Ханан Балки, регионална директорка на здравствената организација на ОН.

СЗО во посебно соопштение наведува дека ја зголемила испораката на медицинска опрема кон здравствените установи по стапувањето на примирјето во Газа.

„Оваа недела, повеќе од 220 палети со основни лекови и медицински материјал беа испратени од нашето јужно складиште до партнери кои поддржуваат болници низ Газа“, стои во соопштението.

СЗО им се заблагодари на Европските операции за цивилна заштита и хуманитарна помош (ECHO) за континуираната поддршка.

Светскиот програм за храна на ОН (WFP) соопшти дека од почетокот на примирјето доставува просечно околу 560 тони храна дневно, но тоа сè уште е под потребните количини.

„Сè уште сме под потребното… Примирјето отвори тесен прозорец на можности, а WFP многу брзо работи на зголемување на хуманитарната помош“, изјави портпаролката на WFP, Абир Етефа.

Според податоците на палестинското Министерство за здравство, во војната во Газа загинале најмалку 67.967 лица, главно жени и деца, податоци кои ОН ги сметаат за веродостојни.