Кандидатот за градоначалник на Град Скопје од партијата Левица, Амар Мециновиќ, предизвика лавина од негативни реакции на социјалните мрежи, откако објави дека неговиот противкандидат Орце Ѓорѓиевски од ВМРО-ДПМНЕ наводно избегнувал јавна дебата.
Корисниците на социјалните мрежи масовно го обвинија Мециновиќ за манипулација и ширење невистини, нагласувајќи дека Ѓорѓиевски никогаш не одбил соочување. Дел од коментарите го нарекоа настапот на кандидатот на Левица „обид за политички поени преку дезинформации“ и „недоличен чекор за сериозен кандидат за градоначалник“.
Во јавноста се споделува и реакцијата од Телевизија Телма, која појасни дека Амар Мециновиќ не дошол на интервју, демантирајќи ги тврдењата на Апасиев. Со тоа, дополнително се засили незадоволството меѓу граѓаните кои побараа „повеќе чесност и транспарентност“ од кандидатите во кампањата.
.
.
.
