Република

Мицкоски прогласи голема победа во Брвеница

Лидерот на ВМРО-ДПМНЕ, Христијан Мицкоски, вечерва прогласи голема победа на локалните избори за Коалицијата предводена од ВМРО-ДПМНЕ. Тој најави дека ќе ја слави победата заедно со граѓаните во Брвеница и во Кичево, а рано утре ќе отпатува за Брисел.

Мицкоски најави дека кандидатот на Вреди за Брвеница, Хаќим Рамадани, ќе биде разрешен од функцијата во Државниот инспекторат за локална самоуправа. Тој му се заблагодари на народот и истакна дека ова е заедничка победа.

„Ова е победа на напатениот народ, неговите соништа и надежи. Беше жилава и тешка борба со многу предизвици. Во Брвеница, Јовица Илиевски останува градоначалник,“ рече Мицкоски.

Тој нагласи дека ВМРО-ДПМНЕ победила во Скопје, Карпош, Аеродром, Чучер-Сандево, како и во Валандово, Дојран, Крушево, Кочани и Кичево, каде што падна Фатмир Дехари. „Во Кичево победи соживотот и вербата во вредности. Падна митот дека Кичево е нечие или наше – Кичево е на кичевци,“ додаде тој.

Мицкоски потенцираше дека победата испраќа порака за обединување и дека секој глас е обврска. „Следниот пат, ве молам, не останувајте дома. Само обединети можеме да ја направиме Македонија,“ рече тој.

На новинарско прашање за улогата на коалицискиот партнер Вреди во вториот круг, Мицкоски рече дека не смета дека било каков бојкот бил извршен, туку дека гласачите на Вреди не го поддржале Ѓорѓиевски.

Република

ВИДЕО: Битола секоја година се поубаво украсена

Битола повторно ја облече новогодишната светлина и ја отвори вратата за празничната магија што ја прави препознатлива. Улиците, плоштадите и сцените каде што и оваа година ќе се одвива „Зимската приказна“ засветкаа во празничен сјај, носејќи радост и топла атмосфера за граѓаните и посетителите.

Новогодишното украсување донесе свежа енергија и чувство на празнична возбуда низ целиот град, создавајќи амбиент кој секоја година изгледа сè поубаво и повпечатливо. Битола и овој декември е подготвена да ги пречека гостите со светлина, музика и празничен дух.

Со видео ви пренесуваме дел од атмосферата од градот под Пелистер, кој е подготвен за уште едно ново издание на предновогодишната програма „Зимска приказна“, на радост на сите генерации.

Република

„Шпанец“ се враќа на пругите: Модернизиран и подготвен за патници

Легендарниот воз „Шпанец“, некогаш заборавен и речиси отпишан, се враќа на пругите со целосно нов лик. Денес беше тестирана обновената верзија на возот, кој сега располага со модерен дизајн, телевизори, озвучување, алармни системи и видео надзор.

Одговорните најавуваат дека подготовките за поудобно и побезбедно патување се во полн ек, со цел патниците да уживаат во современо и безбедно патување.

Следуваат уште новости за враќањето на овој легендарен воз – останете со нас за сите детали.

Видеото може да го погледнете тука

Република

После многу години конечно Тетово ќе се украсува

На онлајн седница одржана денеска, 12 декември 2025 година, Советот на Општина Тетово со мнозинство гласови донесе одлука за украсување на градот за претстојните новогодишни празници.

„За оваа програма „за“ гласаше советничкото мнозинство составено од Коалицијата „Вреди“ и ВМРО-ДПМНЕ, додека против беа советниците од коалицијата НАИ. Воздржани беа од Подобро за Тетово, Левица и СДСМ. Со оваа одлука, Општина Тетово ја потврдува намерата градот да добие празничен сјај за крајот на 2025 година“, изјави претседателот на Советот, Јусуф Абдули.

Истовремено, изгласана е измена на Програмата за активности на Општина Тетово во областа на културата за 2025 година. Според новата програма, за празничното украсување се предвидени еден милион и петстотини илјади денари, што е над 24 илјади евра.