Балкан
Проектот „Trump Belgrade“ ќе го промени центарот на Белград – Кушнер добива речиси четири хектари државно земјиште
Владата на Србија подготвува посебен закон со кој ќе се укине статусот „споменик на културата“ на комплексот на Генералштабот во центарот на Белград, со цел да се овозможи реализација на големиот инвестициски проект „Trump Belgrade“.
Според српските медиуми, компанијата Afiniti Global Development, во сопственост на Џеред Кушнер, зетот на американскиот претседател Доналд Трамп, ќе добие право на користење на речиси четири хектари земјиште и објектите на Генералштабот и Министерството за одбрана на период од 99 години. Комплексот се наоѓа на една од најрепрезентативните локации во Белград – на аголот меѓу улиците Кнез Милош и Немањина, спроти зградата на Владата.
Планирано е на оваа локација да никне импресивен архитектонски комплекс со две кули, повеќе од 1.500 станови, хотел и музеј, со вкупна површина од над 250.000 квадратни метри. Дел од проектот е и Интернационален хотел „Трамп“ со 175 соби, кој ќе биде изграден во историската Касарна на Седмиот пук – објект од 19 век со сегашен статус на културно добро.
Критичарите предупредуваат дека укинувањето на заштитата од Генералштабот е незаконско и противуставно, бидејќи објектите се прогласени за културно наследство во 2005 година, по нивното оштетување во НАТО-бомбардирањата од 1999 година.
Законот „лекс специјалис“, кој ќе овозможи уривање на дел од постојните згради, беше поднесен во српското Собрание на 2 ноември, а само два дена подоцна веќе се најде на дневен ред — што го прави еден од најбрзо процесираните закони во поновата српска историја.
Проектот „Trump Belgrade“, според најавите, треба да стане нов симбол на модерниот Белград, а според амбицијата на инвеститорите – и највпечатлив градежен потфат на Балканот по „Белград на вода“.
Балкан
Земјотрес од 4,8 степени во Грција
Силен земјотрес со магнитуда од 4,8 степени ја погоди областа Калаврита во Грција во саботата вечер, соопшти Германскиот истражувачки центар за геонауки (GFZ). Епицентарот бил на длабочина од 10 километри, пренесува EMSC.
Првичните извештаи наведуваа магнитуда од 6,3 степени, но подоцна вредноста беше коригирана на 4,8.
Сведоци од областа пријавиле дека почувствувале силен татнеж, по што почнала да се тресе и нивната околина. „За среќа, плочките останаа на место. Епицентарот, изгледа, бил во селото Коутели кај Калаврита“, изјавиле локалните жители.
Засега нема информации за повредени или значителни материјални штети.
Балкан
Букурешт денеска гласа за нов градоначалник: 1,8 милиони избирачи на изборните места
Денеска граѓаните на Букурешт го остваруваат своето право на глас за избор на нов градоначалник. Се очекува речиси 1.800.000 луѓе да гласаат на 1.289 избирачки места и да го одредат лицето што ќе управува со најголемиот и најбогат романски град до 2028 година, со буџет од 11 милијарди леи.
Изборниот ден започна во 7 часот наутро и ќе трае до 21 часот по локално време. За позицијата, која остана празна по изборот на Никушор Дан за претседател на Романија, се натпреваруваат 15 кандидати, иако на гласачкото ливче се наведени 17 имиња поради повлекување на двајца кандидати во последен момент.
Најмладиот кандидат има 32 години, додека најстариот е 66-годишен. Победникот ќе стане 17-ти градоначалник на Букурешт од 1990 година наваму.
Балкан
Трагедија во Србија: Семјство од Босна и Херцеговина најдено мртво во куќата по неколку дена
Во семејната куќа во Чачак утрово беа пронајдени три тела на семејство од Босна и Херцеговина, но според неофицијални информации, трагичните настани се случиле неколку дена порано. Сè уште не е познат точниот датум на двојното убиство и, како што се претпоставува, самоубиството, јавува Radiosarajevo.ba.
Сомнежите упатуваат дека 47-годишниот В. Ч. ги убил своите родители, 72-годишната М. Ч. и 79-годишниот Н. Ч., а потоа, како што се претпоставува, си нанел смртоносни повреди на градите и вените. Според извори на „Блиц“, јавноста и полицијата за овој морничав случај дознале дури утрово.
Соседите се во шок, а нови информации за семејството продолжуваат да се појавуваат. Тие се преселиле во куќата од Босна и Херцеговина пред 26 години, на местото каде претходно живеело четиричлено семејство. За време на бомбардирањето на Србија, куќата била оштетена, а тогашниот сопственик извршил самоубиство во дневната соба.
Случајот е во тек на истрага, а полицијата се обидува да утврди сите околности околу трагичниот настан.
-
Република5 days agoТЕТОВО ВО НОВO-ОБJАВЕНИ ДОКУМЕНТИ НА ЦИА
-
Црна Хроника4 days agoПолициска акција: Уаспени Украинки во Горно Седларце – МВР со детали
-
Република6 days agoУтре големи прекини на струја во Тетово и тетовско
-
Црна Хроника7 days agoСкандал во клиничкиот центар Тетово: Полицијата го истражува случајот
-
Скопје3 days agoСекое застанување на булевар на „пет минути“ ќе се санкционира, вели Топаловски
-
Магазин4 days agoРазрешена вековната дилема: Научниците конечно потврдија каде е погребан Филип Втори Македонски
-
Република4 days agoЕве од кога ќе почнат да работаат камерите од „Безбеден град“ во Тетово и Куманово
-
Црна Хроника2 days agoПолицијата го лоцираше украденото „Ауди“ за неколку часа – младиот тетовец уапсен!