ОВР Кавадарци поднесе кривична пријава до Основното јавно обвинителство против В.Д. (48) од Кавадарци, вработена како благајник во Јавното претпријатие за комунални работи, поради основано сомнение за „проневера во службата“ и „затајување“.
Според истрагата, во периодот од 22 септември до 31 октомври 2025 година, таа присвоила вкупно 568.684 денари од претпријатието. Парите потекнувале од дневниот промет на наплатните пунктови за водоснабдување и комунални услуги. Дел од средствата ги задржувала за себе, а остатокот го внесувала на сметката на претпријатието на начин кој ја оштетил институцијата за наведениот износ.
Случајот е пријавен и продолжува понатамошната постапка пред Јавното обвинителство.
