Македонија

Кренар Лога се повлекува од Алијансата за Албанците и од сите партиски функции

Поранешниот министер за правда, Кренар Лога, објави дека се повлекува од политичкиот живот и од сите функции во Алијансата за Албанците. Лога истакна дека одлуката не била лесна, бидејќи во партијата вложил многу енергија, срце и душа.

Тој се заблагодари на соработниците, членовите и активистите, истакнувајќи дека во изминатите десет години запознал посветени луѓе и искрени пријатели. Лога се извини на сите што можеби се почувствувале повредени од неговиот збор или однесување, нагласувајќи дека секогаш ги кажувал своите ставови без да ја пресметува цената.

Во текот на неговата кариера во партијата, Лога бил генерален секретар, а потоа и потпретседател, и се заблагодари на гласачите на Европскиот фронт и Националната алијанса за интеграција. Тој зборуваше и за своето семејно и политичко потекло, истакнувајќи дека растел во средина обележана со притисоци и прогони во поранешниот југословенски систем.

Лога нагласи дека Северна Македонија заслужува да биде слободна и еднаква држава за сите граѓани и повика на заедничка одговорност во градењето на земјата. На крајот, тој најави дека ќе продолжи да се ангажира меѓу граѓаните, но на послободен и независен пат, како што рече, „како солист што можеби ќе има тешкотии да игра сам, но ќе го направи тоа со слободен дух и со љубов кон луѓето“.

Македонија

Божиновска присуствуваше на шведската прослава на светлината

Вечерва Сања Божиновска присуствуваше на традиционалниот концерт во чест на Санта Луција, кој го организираше Шведската амбасада. Празникот е симбол на светлина, топлина и надеж во најтемните нордиски ноќи.

„Секогаш е убаво кога една традиција носи порака која допира подалеку од границите – дека светлината ја создаваме самите, и дека најмногу ни е потребна токму во студените, тивки моменти од годината“, изјави Божиновска.

Таа изрази благодарност до амбасадата за прекрасната атмосфера и можноста да ја почувствува оваа уникатна шведска традиција, која најавува доаѓањето на Божиќ со радост, музика и светлина.

Македонија

Сообраќајот на Евзони повторно во прекин од 17 часот

АМСМ информира дека од 17 часот повторно е блокиран сообраќајот на Граничниот премин Евзони (ГП Богородица).

Според последните информации, сообраќајот на државните патишта се одвива непречено, по суви коловози и со умерен интензитет надвор од градските средини. На македонските гранични премини нема подолги задржувања за влез или излез од државата.

АМСМ апелира до возачите да возат со прилагодена брзина, да ја почитуваат поставената сигнализација и да бидат особено внимателни на патиштата низ котлинските и клисурните делови, каде што постои ризик од одрони. Најкритични се делниците Катланово – Велес, Маврово – Дебар – Струга, Виница – Берово и Кочани – Делчево.

Македонија

Студентите имаат уште десет дена за апликација за ваучери

Министерството за дигитална трансформација потсетува дека студентите имаат рок до 20 декември 2025 година да аплицираат за ваучери за електронски уреди.

Досега се доделени 42.606 ваучери, од кои 27.426 веќе се искористени. Во рамките на владината програма, предвидени се вкупно 55.000 ваучери за студенти на додипломски студии запишани во учебната 2025/26 година.

Ваучерите можат да се искористат најдоцна до 31 декември 2025 година.